Ақиық ақын — Мұқағали Мақатаевтың туғанына 90 жыл толуына орай «Мұқағали – мәңгілік ғұмыр» онлайн байқауы

Қарасаз, қара шалғын өлеңде өстім,

Жыр жазсам, жұртым оған елеңдестің.

Өлсе өлер, Мұқағали Мақатаев,

Өлтіре алмас, алайда өлеңді ешкім! – деп ақынның өзі жырлағандай, оның өлеңі өмірден өзі кетсе де өшпей, ұрпақтан-ұрпаққа жалғасып келеді. 9 ақпан – ақиық ақын Мұқағали Мақатаевтың туған күнінің қарсаңында Зағип және нашар көретін азаматтарға арналған республикалық кітапханасы кітапхана оқырмандары арасында (Алматы қаласы мен Алматы облысы бойынша) «Мұқағали – мәңгілік ғұмыр» әдеби онлайн байқауын өткізді.

Байқау «Мұқағали – мәңгілік ғұмыр» тақырыбында Мұқағали Мақатаев шығармаларын жатқа айту аталымы бойынша (5-7 минуттан көп емес) өтті.

«Мұқағали – мәңгілік ғұмыр» әдеби онлайн байқауының мақсаты:

Қазақ поэзиясының хаңтәңірі Мұқағали Мақатаевтың қуатты да көркем шығармалары арқылы мемлекеттік тілдің қолдану мәртебесін арттыру, ақынның шығармашылық мұрасы арқылы жас ұрпақтың бойына ұлттық құндылықтарды сіңіріп, отансүйгіштікке тәрбиелеу, кітапхана оқырмандары мен мүмкіндігі шектеулі талантты жастарды ынталандырып, әдеби шеберлікке баулу мақсатында ұйымдастырылды.

Зағип және нашар көретін азаматтарға арналған республикалық кітапханада ағымдағы жылдың 19 қаңтарынан бастап «Мұқағали – мәңгілік ғұмыр» атты әдеби онлайн байқауы жарияланған болатын. Байқауға қатысқан 14 үміткердің бейнетүсірілімдері 2021 жылдың 25 қаңтарынан бастап 9 ақпанға дейін әлеуметтік желілерде жарияланып отырды. Байқауға жеке қызмет көрсету бөлімінің меңгерушісі, Қазақстан Республикасы Мәдениет және спорт министрлігі «Мәдениет саласының үздігі» төс белгісі және Құрмет грамотасының иегері Тлеукенова Салтанат Сайранбекқызы, кітапхана ісін дамыту, библиография және тифлология бөлімінің меңгерушісі, Қазақстан Республикасы Мәдениет және спорт министрлігі Құрмет грамотасының иегері Рахимжанова Әлия Солташқызы қазылық етті.

«Мұқағали – мәңгілік ғұмыр» әдеби онлайн – байқауының жеңімпаздары «Зағип және нашар көретін азаматтарға арналған республикалық кітапхана» РММ дипломдарымен марапатталды.

Қазылар алқасының шешімі бойынша мектеп оқушылары арасында:

Бас жүлдені Әсембек Кәусар Нұрхатқызы

I орынды Серик Куаныш Жомартұлы

II орынды Бейсенқожа Назгүл Мұқанқызы

III орынды Кыстаубаев Абдуррахман Алмасұлы иеленді.

Ересектер арасында:

Бас жүлдені Смағұлова Сәуле

I орынды Нурбекұлы Алтайыр

II орынды Даубасов Нұрдәулет Сәбитұлы

III орынды Қожаәлім Самал Бектұрсынқызы иеленді.

Байқауда өзіндік орындаушылық шеберлігімен көзге түскен Мирзалим

Жарылкасин Макенаулы Алғыс хатпен марапатталды.

Орыс тілді оқырмандар арасында:

I орынды Гизатулина Наталья Нурулловна

II орынды Попова Лидия Игнатьевна иеленді.

Мұқағали сынды өр ақынның рухына арналған жыр додасы өз мәресіне жетті. Шараға қатысқан барлық жыр сүйетін кітапхана оқырмандарына алғысымыз шексіз.

Гүлназ Даржанова, өнер және спорт әдебиеттері бөлімінің меңгерушісі