Әр өлеңі – бір әлем

Ағымдағы жылдың 5-ші ақпанында жеке қызмет көрсету бөлімі қазақтың ақиық ақыны Мұқағали Мақатаевтың туғанына 90 толуына орай «Әр өлеңі – бір әлем» атты онлайн форматта әдеби кешті ұсынады.

Мақсаты: Мұқағали Мақатаевтың қалам өнеріндегі асқан дарынын, шеберлігін таныту, ақынның шығармашылығына оқырмандардың сүйіспеншіліктерін арттыру. Жас ұрпақты елін, жерін сүюге, Отанға деген сүйіспеншілік сезімге баулу, халқын қастерлеуге, патриоттыққа тәрбиелеу.

Мұқағали Мақатаевтың өлеңдерін сүйіп оқымайтын, тыңдамайтын адам жоқ.Ақын ағамыздың қалам тартпаған тақырыбы қалмаған. Ана мұның, әке зарын, жетім-жесір қайғысын, ердің ерлігін, пәк махаббатты, достықты жырға қосқан. Сонымен бірге, өз халқының салт-дәстүрін, әдет-ғұрпын қадірлей білген ұлтжанды ақын.

Әдеби кеш барысында кітапхананың белсенді оқырмандары Сәуле Смағұлова, Қаскелен мәдени колледжінің студенттері Дінмұхаммед Төлепбергенов пен Сабина Тәттібек Сабина ақын өлеңдерін ерекше шабытпен оқыды.