News & Events
Музыка мұғалімі, І топ көз мүгедегі Шалахметова Венера Менажевна туралы іс-шара
Құрметті ұстаздар қауымы!Сіздерді қазан айында аталып өтетін Мұғалімдер күнімен шын жүректен құттықтаймыз! Сіздердің бала көңілдеріңіз əр оқушының жан дүниесін нұрландырып, жүрегіне шапағат нұрын төгуде. Осындай айтулы күні сіздерге шығармашылық табыс, қажымас қайрат, зор денсаулық тілей отырып, назарларыңызға барлық саналы ғұмырын шәкірт тәрбиелеуге арнаған, құрметті ұстаз Шалахметова Венера Менажевнаның бейнеролигін ұсынамыз.Дорогие учителя! От всей души поздравляю вас с замечательным осенним праздником, вашим профессиональным праздником! Примите поздравление с Днем учителя! Пускай ваши счастливые глаза всегда сияют, а душа будет полна добра и спокойствия! Желаем вам удачи во всех начинаниях и делах, оригинальных идей и блестящих успехов!Предлагаем вашему вниманию видеоролик о Венере Менажевне Шалахметовой, которая всю свою жизнь посвятила воспитанию подрастающего поколения.
Опубликовано РГУ "Республиканская библиотека для незрячих и слабовидящих граждан" МКС РК Среда, 7 октября 2020 г.
Ағымдағы жылдың 8 қазан күні зағип және нашар көретін азаматтарға республикалық кітапхананың өнер және спорт әдебиеттері бөлімінің ұйымдастыруымен әлеуметтік желілерде онлайн режимде, Мұғалімдер күніне орай, музыка пәнінің мұғалімі, І топтағы көз мүгедегі Шалахметова Венера Менажевна туралы ақпарат беріліп, бейнеролик көрсетілді. Мұғалімдер күні – білім беру саласы қызметкерлерінің кәсіби мерекесі. Қазақстанда Мұғалімдер күні қазан айының бірінші жексенбісінде атап өтіледі, биыл бұл 4-ші қазан. Қазақ халқы ұстазын сыйлап, құрметтеген ел. «Ұстазы жақсының ұстамы жақсы» деп адамға қарап, ұстазын таныған. Сондықтан кез келген адам мұғалім бола алмайды. Бойындағы білімін сапалы түрде жеткізу тек өз жұмысын жақсы көретін, балалармен оңай тіл табыса алатын адам ғана ұстаз болуы мүмкін. Сондай құрметті ұстаздардың бірі Шалахметова Венера Менажевна, I топ көз мүгедегі. Ол 47 жылдан астам уақыт Н.Островский атындағы зағиптер және көздері нашар көретін балаларға арналған №4 арнайы мектеп-интернатында музыка пәнінің мұғалімі болып жұмыс істейді. Венера Менажевна көп жылдардан бері Зағип және нашар көретін азаматтарға арналған республикалық кітапхананың өнер және спорт әдебиеттері бөлімінің қадірлі оқырманы. Бөлім 1990 жылдан бастап жұмыс істейді. Жалпы 300-ден астам оқырмандарға, оның ішінде көз мүгедегі бар азаматтар мен олардың жанұя мүшелеріне, көретін азаматтарға, кітапхананың басқа да бөлім қызметкерлеріне, Қазақ зағиптар қоғамының қызметкерлеріне, жалпы кітап дүниесімен кіндігі бір қауым өкілдерінің баршасына сапалы да мәдениетті қызмет үлгісін көрсетіп келеді. Венера Менажевна өз жұмысы үшін Брайль жүйесіндегі нүктелі-бедерлі қарпіндегі сольфеджио мен музыка теориясы бойынша кітаптарды пайдаланады. 1994 жылдан бастап жоғары санатты мұғалім болып жұмыс істейді. Көп жылғы еңбегі үшін Венера Менажевна «Еңбек ардагері» медалімен, өзінің 70 жылдық мерейтойы құрметіне «Еңбек Даңқы» орденімен марапатталды. Венера Менажевна Шалахметова өзінің өмірін жас ұрпақты тәрбиелеуге арнады. Кітапхана ұжымы Венера Менажевнаны кәсіби мерекесімен құттықтап, шығармашылық табыс, денсаулық және отбасына амандық тілейді.
Жұмағалиева Ж.Ж.,
өнер және спорт әдебиеттері
бөлімінің қызметкері