Халықаралық шахмат күніне арналған Шахмат бойынша Online-турнир

20-24 шілде аралығында Алматы қаласында «Зағип және нашар көретін азаматтарға арналған республикалық кітапхана» РММ қолдауымен көру қабілеті төмен ерлер арасында шахматтан турнир өтті. Халықаралық шахмат күніне арналған бұл турнир кітапхананың дәстүріне айналып, жыл сайын кітапханада өткізіліп келеді.

Карантинге байланысты биылғы жылы турнир online-режимде өткізілді. Жарыстың бастапқы тізімінде 8 адам болды, бірақ алғашқы турда денсаулығы сыр бергендіктен екі қатысушы турнирден шығып кетті. Осылайша, турнирді алты шахматшы арасында өткізуге тура келді.

Күрес қызықты және ымырасыз сипатқа ие болды. Турнирдің басынан соңғы турына дейін қатысушыларда қобалжу сезімі орын алды. Бұл іс-шараны кітапхана алғаш рет қашықтықтан өткізгендіктен, қиындықтар болды. Алайда, жарыс төрешісі Б. Поволоцкая төзімділік пен тыныштықты сақтай отырып, сенімділікпен турнирді ақтық кезеңге дейін жеткізді. Бұл үшін оған жеке алғыс білдіреміз.

Нәтижесінде, жүлдегерлер анықталды:

Үшінші орын — Курмашев Б.

Екінші орын — Токабаев С.

Бірінші орын — Жумабеков М.

Турнирдің демеушісі «Қазақстанның зағип спортшылар одағы» болды. Біз Одаққа ерекше алғысымызды білдіреміз. Қазіргі таңдағы төтенше жағдайға байланысты осындай қиын кезеңде турнирді ұйымдастыру оңай емес.

Мақсаты: зағип және нашар көретін адамдар арасында шахмат интеллектуалдық үстел ойынын дәріптеу, жаңа таланттарды анықтау және спорттық шеберлікті арттыру.