ZOOM платформасында 21- мамыр Мәдениет және өнер қызметкерлері күніне орай салтанатты шара өтті.

Мәдениет және өнер қызметкерлерінің

күніне арналған шара.

2020 жылдың мамыр айының 21 жұлдызында «Зағип және нашар көретін азаматтарға арналған республикалық кітапхана» РММ-де ZOOM платформасында 21- мамыр Мәдениет және өнер қызметкерлері күніне орай салтанатты шара өтті.

Кітапхана директоры А.К. Байұзақов кітапхана ұжымын және аймақтағы арнаулы кітапхана қызметкерлерін кәсіби мерекелерімен құттықтап, марапаттарын тапсырды.

«Қазақстандық Кітапханалық Одақтың» төсбелгісімен «Кітапхана ісінің үздігі» — «Семей қаласының зағип және нашар көретін азаматтарға арналған арнайы кітапханасы» КММ директоры Раимханова Бахытжамал Шайзадиновна, «Қостанай облыстық көзі көрмейтін және нашар көретін азаматтарға арналған арнайы кітапханасы» КММ кітапханашысы Абжанова Бақытжамал Батырхановна;

«Кітапхана ісінің ардагері» төсбелгісі — «Көзі көрмейтін нашар көретін азаматтарға арналған облыстық арнайы кітапханасы» КММ директорының орынбасары Қуантаева Ләззат Серікқызы мен «ШҚО зағиптар мен көзі нашар көретін азаматтардың арнаулы кітапханасы» КММ кітапханашысы Золотарева Ирина Леонидовна;

ҚР Мәдениет және спорт министрлігінің «Мәдениет саласының үздігі» төсбелгісімен — «ЗНКААРК» РММ директорының кеңесшісі З.А Маханова, «Жеке қызмет көрсету» бөлімінің меңгерушісі С.С Тілеукенова марапатталды;

Мәдениет министрлігінің құрмет грамотасымен «Кітап қорын толықтыру, өңдеу және каталогтарды ұйымдастыру» бөлімінің меңгерушісі Т.Ю. Рогаткина, «Кітапхана ісін дамыту, библиография және тифлология» бөлімі меңгерушісінің міндетін атқарушы А.С.Рахимжанова, «ЗНКААРК» РММ-нің бас есепшісі С.С. Сембаева;

Мәдениет министрлігінің алғыс хатымен «Кітап қорын сақтау және абонемент» бөлімінің қызметкері А.А. Кондратьева, «Сөйлейтін және Брайль кітаптарын шығару» бөлімінің қызметкері А.Ж. Мықтыбаев марапатталды.

Шара кітапхана оқырмандарының ән шашуымен жалғасты. Сонымен қатар, облыстық арнаулы кітапхана директорлары әріптестерін кәсіби мерекемен құттықтап, өздерінің жүрек жарды тілектерін білдірді.

Шараға 47 адам қатысты.

Кітапхана ісін дамыту,

библиография және тифлология бөлімі.