Осы жылдың 29 ақпанында Зағип және нашар көретін азаматтарға арналған Республикалық кітапханада электрондық ресурстар залында қызметкерлердің біліктілігін арттыру бойынша дәріс өтті.

Кітап сақтау және абонемент бөлімінің қызметкері Полянный Евгений «Blaze ET аппаратының мүмкіндіктерімен танысу» тақырыбында сөз сөйледі.

Евгений қатысушыларды аппараттың аудиофайлдарды, DAISY және электрондық кітаптарды тыңдау, жазық баспа мәтіндерді сканерлеу және тану, сондай-ақ радио, диктофон, түсті тану, ескертпе және оятқыш сияқты қосымша функцияларымен таныстырды.

Сонымен қатар, өнер және спорт бойынша әдебиет бөлімінің қызметкері Макшпаева Марина «Библиотека» № 9, 10, «Современная библиотека» № 10 кәсіби журналдарына шолу жасады. Калуга қаласының, Н. Островский атындағы Облыстық зағип жандарға арналған арнайы кітапхана директоры, М. Коновалованың жұмыс тәжірибесі туралы баяндады. Қатысушыларды Ресей мемлекеттік кітапханасының КБК бас редакторы Э. Сукиясянның 2019 ж. № 9 «Библиотека» журналында орналасқан «Убеждая с мастерством» атты мақаласымен таныстырды.