АЛМАТЫДА ШАХМАТТАН РЕСПУБЛИКАЛЫҚ ЧЕМПИОНАТ ӨТТІ

Алматыда есту мүшесі зақымдалған спортшылар арасында шахматтан чемпионат ұйымдастырылды. Сайыстың марапаттау салтанатына «Зағип және нашар көретін азаматтарға арналған республикалық кітапхана» директоры Асхат Құсайынұлы қатысып, өз құттықтауын жеткізді.

«Ел азаматтарының бұл ойынға қызығушылық білдіргендері бізді қуантады. Бүгінгі жарысқа еліміздің барлық аймақтарынан үздік спортшылар жарысқа түсті. Бұл үлкен көрсеткіш. Бұрынғы ойындарға қарағанда бұл ойын ерекше өтті. Өйткені бірінші орынға талас тартысқа толы болды. Республикалық чемпионатта бірінші орынды Алматылық А.Наурызғалиев, екінші орынды Шымкенттік Б.Турманов, үшінші орынды Шығыс Қазақстандық Б. Қабыжанов ұтып алды», деп атап өтті кітапхана директоры Асхат Құсайынұлы.

Турнир 3 күнге жалғасты. Оған 40-жуық спортшылар қатысуға ниет білдіріпті. Олардың ішінде талай рет халықаралық сайыстарда топ жарған үздік шахматшылар да бар. Қатысушылардың жас ерекшеліктері де əр түрлі. Ал, ойынның өзі екі жүйе бойынша өткізілді. Біріншісі жекелей, екіншісі шапшаң ойын жүйесі бойынша ойнатылған ойынға екі бірдей төреші қазылық етті.  Ала тақтай алдында ойын көрсеткен спортшылардың бірінші орынға таласы тартысты болды. Енді аталмыш сайыс алдағы уақытта Алматы қаласында Наурыз айында өтетін болады дейді жарыс ұйымдастырушылары. Ойын соңында жеңімпаздарға арнайы медальдар мен дипломдар, сыйлықтар салтанатты түрде табыс етілді.

Баспасөз қызметі