News & Events
«Атамекен»
Зағип және нашар көретін азаматтарға арналған республикалық кітапханада өнер және спорт әдебиеттері бөлімі 2020 жылдың ақпан айының 6-шы жұлдызында кітапхананың жеке қызмет көрсету бөлімінде әнші, композитор, Қазақ КСР-нің Халық артисі, Қазақстан Республикасының Мемлекеттік сыйлығының иегері Ескендір Хасанғалиевтың 80 жасқа толу құрметіне орай, мерейтой кеші аясында «Атамекен» атты кітап көрмесін ұйымдастырды.
Кітап көрмесінің мақсаты – кітап қорындағы әдебиеттер арқылы ұлттық мәдениетіміздің тамыры тереңде жатқандығын ұғындыру, қазақтың тұлғалы өнер шебері Ескендір Өтегенұлының қазақ мәдениетіне қосқан үлесі, музыка саласына сіңірген еңбегі жайлы оқырмандарға насихаттау.
Кітап көрмесінде оқырман назарына өнер және спорт әдебиеттері бөлімінің кітап қорынан төмендегі басылымдар қазақ және орыс тілдерінде ұсынылып, кеш барысында 76 оқырман тамашалады.
- Хасанғалиев Е. Атамекен: Әндер, романстар, дуэттер мен хорлар. – Алматы: Өнер, 1981. – 96 б. Бұл жинаққа оның партия, комсомол, туған жер, еңбек тақырыбындағы әндері және орыс ақындарының сөзіне жазылған бес әні еніп отыр.
- Хасанғалиев Е. Бозторғайым: Әндер. – Алматы: Өнер, 1986. – 100 б. Жинаққа орыс, неміс, татар ақындарының өлеңдеріне жазылған әндермен қатар, достықты жырлаған, туған жер өскен елді, сүйікті партия, ерен еңбекті үнге қосқан патриоттық тақырыптағы әндер бар.
- Хасанғалиев Е. Өмірімнің жазы: Әндер. – Алматы: Жалын, 1978. – 76 б. Автордың «Өмірімнің жазы» деп аталатын бұл жинағына соңғы жылдары жазған әндерінің бір тобы енді.
- Қазақстан композиторлары. Композиторы Казахстана. Анықтамалық. Справочник / Құраст.: Бағысбек Қуат. – Алматы: Sansam, 2011. – 216 б.
- Қазақстан композиторлары. Композиторы Казахстана. Творческие портреты (на казахском и русском языках). Том третий. – Алматы: АО «Алматы-Болашақ», 2017. – 576 б.
- Қазақстан композиторлары. Композиторы Казахстана. Творческие портреты. – Алматы: АО «Алматы-Болашақ», 2012. – Т.I. — 360 с.
- Поет Тыныштыгулова С., М, 1986 г. Күйтабақ
- Қазақстан композиторларының патриоттық әндері., А-Ата, 1984 г. Күйтабақ
- Песни Е. Хасангалиева. 1981 г. Күйтабақ
Даржанова Г.Т., өнер және спорт
әдебиеттерібөлімінің меңгерушісі
