«Саусақ ұшындағы әлем» іскерлік ойыны

2020 жылы 10 қаңтар күні Алматы қаласы, Хан шатыр 273 мекен-жайында орналасқан Magnum Cash and Cary-де Magnum қызметкерлерімен іскерлік ойын өтті. Іскерлік ойын кітапхана ісін дамыту, библиография және тифлология бөлімінен Ж. Медьярова мен А. Мырзабековті МОЛОВ «Жігер» шақыртуымен «Зағип жандарға ыңғайлы аудан» жобасы аясында өткізілді.

Кіріспе сөзінде модератор Ж. Медьярова барлық қатысушыларды құттықтап, «Саусақ ұшындағы әлем» іскерлік ойынының мақсаттары мен міндеттері туралы, өткен жылдары бұл іскерлік ойыны медициналық, әлеуметтік, білім беру ұйымдарында өткенін хабарлады. Ж. Медьярова қатысушылардың назарын осы іскерлік ойынның маңыздылығы мен өзектілігіне аударды. Бөлім қызметкерлері іскерлік ойынды өткізуге дайындала отырып, басты мақсат көңіл көтеру емес, танымдылық, зағип жандардың өмірі туралы ақпарат беру екендігін назарға алды.

Одан әрі қатысушылардың әрқайсысына өздерін біраз уақыт зағип жандардың орнына қойып көру, өмірде болуы мүмкін бірнеше жағдайларды және көзі байланған күйде күнделікті өмірде кездесетін кейбір тапсырмаларды орындау ұсынылды.

Тапсырмаларды орындаған қатысушылар зағип жандардың қиындықтары мен проблемаларын нақты сезініп, түсіне алды.

Іскерлік ойынға қатысушылар осындай іс-шараларға өздерінің дайындықтарын және қызығушылықтарын көрсетті.