«Тәуелсіздік-тұғырым!»

Ағымдағы жылдың желтоқсан  айының  13-ші жұлдызында  Зағип және нашар көретін азаматтарға арналған  республикалық  кітапханада ҚР Тәуелсіздік күніне орай «Тәуелсіздік-тұғырым!» атты салтанатты әдеби-сазды кеш өтті.

Іс-шараның мақсаты:  Тәуелсіздік — 1986 жылғы Желтоқсан оқиғасында аланға шыққан жастардың ерік-жігері, ең алдымен барша қазақстандықтардың арман-мұратының салтанат құруы. Міне сол желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптасқандығымыз туралы түсінік беру.

Салтанатты кеш Қазақстан Республикасының Әнұранымен басталды.  Тәуелсіздік – бабалар аңсауы, ұрпақтың қолы жеткен киелі кезең. Тәуелсіздік – таңбасы таста, қаны қара жердің тамырында жатқан құдіретті сөз.              16 желтоқсан Қазақстан Республикасының Тәуелсіздік күні. Айтулы мерекеде  кітапхана директоры Байұзақов Асхат Құсайынұлы  ұлық мерекемен құттықтап сөз сөйлеп,  еліміз тәуелсіздіктің бесігінде тербелгелі жиырма сегіз жыл, осы жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болып, бұл атадан келе жатқан ұлы жеңістің жемісі екендігін атап өтті.

16 – желтоқсанда қазақ жастары Орталық алаңға шығып, Қазақстан тәуелсіздігін талап еткен жастар құрметіне бейнеролик көрсетіліп, сол тәуелсіздік көтерілісінің құрбандарына бір минут үнсіздік жарияланды.

Шара барысында «Соловьи Алатау» вокалды-аспаптар тобының жетекшісі Прасковья Савинкина мен Галина Коробова «Озера» және Украйна елінің әні «Нсгалию воду» атты әзірлеп келген әндерін ұсынса, Марфа Глущенко «Родина» атты өлеңін оқып, көрермендердің көзайымына айналды. Кітапхана ісін дамыту, библиография және тифлология бөлімінің қызметкері Қосмырза Жансая Тәуелсіздікке арналған «Тәуелсіздік менің азаттығым» өлеңін оқып қонақтарды риза етті. Сонымен қатар, кітапханамыздың тұрақты оқырмандары Ильфрад Галибабаев пен Илья  Паздеров Елбасымыз Н.Ә. Назарбаевтың сүйікті әндерінің бірі «Весна на Заречной улице» әнін орындады. Салтанатты кешті Құрманғазы атындығы Қазақ Ұлттық консерваториясының студенттері Құбашев Болатбек «Сәлем», «Ақ-Айша»,  Жұмаханов Орынбасар «Отан», «Тыңда» әндерімін одан әрі ән мен жырға бөледі.

Кешті өнер және спорт әдебиеттері бөлімінің қызметкері Момбекова Назым «Атамекен» әнімен тәмәмдап, көрермендер қошеметіне бөленді.

Кеш соңында кітапхана директоры Байұзақов Асхат Құсайынұлы Құрманғазы атындығы Қазақ Ұлттық консерваториясының студенттеріне Алғыс хат табыстады.

Кеш жүргізушілері Самат Уатқан мен Жұмағалиева Жанбота Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілеп, салтанатты кешті аяқтады.

Шараға 53 оқырман қатысты.

Жұмағалиев Жанбота Жолдыбайқызы,

Өнер және спорт әдебиеттері

 бөлімінің қызметкері