«Қарттарын қадірлеген ел ардақты»

Зағип және нашар көретін азаматтарға арналған республикалық кітапхана РММ-сі ұйымдастыруымен ағымдағы жылдың 12-ші желтоқсанында Алматы қаласындағы жалғыз  басты зейнеткерлер, мүгедектер, зейнеткер жасындағы ерлі-зайыптыларға арналған «Қамқор» Әлеуметтік тұрғын үйінде 16 желтоқсан Қазақстан Республикасының Тәуелсіздік күніне орай, «Алатау» дәстүрлі өнер театрының мүгедектерге мәдени қызмет көрсету мәдениет үйінің,  Федор Зражевский жетекшілік ететін «Қаламқас» вокальды ансамблінің әншілері қариялардың назарына шағын концерт ұсынды. Қазақ халқы үшін теңдесі жоқ қасиетті де қастерлі мерекеде ақыл-парасаты жарасқан қазына қарттарымызға арнап, «Вальс победы»,  «Мой город» , «Вальс ветеранов», Любовь Тарасова «Одуванчик», Генадий Демин «На посошок», Вера Сотниченко «Баллада о седых», Алма Бейсенбаева «Бейбіт күн тілегі»,  Марфа Глущенко «Перекати поле», Батана Колесникова «Снег седины»  әндерімен  қарттардың көңілін бір көтеріп тастады.

Кеш соңында қарияларымыз қосыла ән шырқап, ризашылығын білдірді. Ақсақалды аталары мен ақ жаулықты әжелер әншілерге өздерінің жылы лебіздерін жолдап, алғыстарын жаудырды. Мерекелік кеш ойдағыдай өтті.

Момбекова Н.,

өнер және спорт

әдебиеттері бөлімі