«Шежіре бұлағы мұрасынан»

Қараша айының 14-жұлдызында «Зағип және нашар көретін азаматтарға арналған республикалық кітапхана» РММ-нің  жеке қызмет көрсету бөлімінде «Шежіре бұлағы мұрасынан» атты жазушы Б. Майлиннің 125 жылдығына орай дауыстап оқу сағаты өткізілді.

Дауыстап оқу сағатының мақсаты: Келушілер жазушы Б.Майлиннің өмір жолымен, шығармашылығымен танысты; Б.Майлинге арналған деректі фильм көрсетілді; Б.Майлиннің туғанына 125 жылдық мерейтойын атап өтудің маңызы туралы айтылды.

Халқымызда «таулардың биіктігі алыстаған сайын білінеді» деген сөз бар. Бейімбет Майлиннің дара тұлғасы уақыт өткен сайын асқақтап, оның шығармалары халықтың асыл қазынасына айналуда.

Бейімбет Майлиннің мұрасы – ұлттың асыл қазынасы. Бейімбет Майлиннің шығармалары қазақ әдебиетін барлық салада байытқан рухани асыл қазына ретінде халқымен мәңгі бірге жасайтын болады.  Әдебиетімізді насихаттау жолында осындай тұлғаларымыздың мерейтойын тойлаудың маңызы ерекше.

Шараға  30 адам қатысты.