Турнирдің қорытындысы

Кітапханада ағымдағы жылдың 04-10 қараша аралығына жоспарланған тұңғыш КСРО дойбы шебері, Қазақстанның бірнеше дүркін чемпионы зағип Бақ Қуанышбайұлы Иманәлиевты еске алуға арналған дәстүрлі, республикалық дойбы турнирі аяқталды.

Бұл, еске алу турнирі, Бақ Қуанышбайұлы өмірден озған 2008 жылдан бері, биыл 11-ші рет өткізілуде.  Турнирді Зағип және нашар көретін азаматтарға арналған республикалық кітапхана мен «Қазақстандық дойбы федерациясы» Республикалық қоғамдық бірлестігінің Алматы қаласындағы филиалы бірлесіп, ұйымдастырды.

Астана қаласының «Жігер» спорт клубының дойбы және шахматтан жаттықтырушысы Дәурембеков Сағымбай Болысбекұлы турнирдің бас төрешісі, «Қазақстандық дойбы федерациясы» Республикалық қоғамдық бірлестігінің Алматы қаласындағы филиалының төрайымы Маханова Захра Ануарқызы бас хатшысы болды.

Турнир Алматы қаласындағы «Мойымайтын мүгедектер қоғамы» қоғамдық бірлестігінің демеушілігімен өтті.

Турнирге  Республика бойынша Алматы облысы, Алматы, Семей, Астана, Қостанай, Шымкент қалаларынан 6-спорт шебері, бірнеше спорт шеберлігіне үміткер және түрлі дәрежедегі дойбышылар қатысты. Турнир әйелдер арасында шеңбер жүйесі, ерлер арасында швейцар жүйесі бойынша халықаралық дойбы ережесі сәйкес ұйымдастырылды.  Жарыс өте тартысты өтті. Дойбышылар өздерінің үздік спорттық дайындықтарын көрсетіп, жеңіс тұғырына көтерілу жолында бақтарын сынады. Жарыс соңы марапатқа жалғасты.

Ерлер арасында:

I орын – Нәби Елдос (Шымкент қаласы);

II орын – Соколков Юрий (Семей);

III орын – Пернебеков Нышан (Алматы облысы).

Әйелдер арасында:

I орын – Бейсембаева Сауле (Семей);

II орын – Ершова София (Қостанай);

III орын – Терехова Зинаида (Алматы) егеленіп, «Қазақстандық дойбы федерациясы» Республикалық қоғамдық бірлестігінің Алматы қаласындағы филиалының тағайындаған медальдары мен грамоталарын алып, демеушілердің атынан I орын – 15 000 тг, II орын – 10 000 тг, III орын – 5 000 тг еншіледі.

З. Маханова