«Кітапхана әлемі – жастар әлеуеті мен жүзеге асырылатын мүмкіндіктер мекені»

Елімізде Елбасының 2018 жылғы 13 қарашадағы  № 784 Жарлығымен 2019 жыл Жастар жылы болып жарияланғаны белгілі. Жастар жылы Тәуелсіз Қазақстан тарихында алғаш рет аталып өтілмек. Жастардың әлеуетін көтеруге бағытталған осынау бастама аясында Республика  деңгейінде алғаш рет  2019 жылдың 26-27 қыркүйегінде «Кітапхана әлемі – жастар әлеуеті мен жүзеге асырылатын мүмкіндіктер мекені» атты ҚР арнайы кітапханалары жас кітапханашыларының I слеті өтеді. Бұл шараны Республика  деңгейінде алғаш рет Зағип және нашар көретін азаматтарға арналған республикалық кітапханасы (әрі қарай, ЗНКААРК) ұйымдастырып отыр.

Шараның негізгі мақсаты – мүмкіндігі шектеулі жандарға  кітапхана қызметін көрсетуде ұйымдастырудың формалары бойынша жас кітапханашылардың шығармашылық ізденістерін ынталандыру,         еліміздің  арнайы кітапханаларында кітапхана саласын дамытудағы жас кітапханашылардың шығармашылық жұмыстарына басымдық беру. Сондай-ақ, ел болашағы – жас буын өкілдеріне жан-жақты қолдау көрсетіп, қоғам өміріндегі белсенділігін арттыру.

Слетке Қазақстан Республикасы бойынша ЗНКААРК қарасты 9 облыстық, 5 қалалық арнайы кітапханалары мен 2 арнайы бөлімдерінің өкілдері қатысады.

Слет бағдарламасы аясында мынадай мәселелер қарастырылады:

• Жас кітапханашылар мен арнайы кітапханалардың жоғары жетістіктері туралы «Рухани Қазына – 2019» фестиваліне қатысушылары мен жүлдегерлерінің көпшілікке арналған баяндамалары.
• Арнайы кітапханалардың қызметі мен әлеуетін қоғамның барлық салаларында және әлеуметтік желілерде кеңінен насихаттау мақсатында шеберлік сағаты.
• «Қазақстандық Кітапханалық Одақ» ЗТБ мамандарының ҚР зағип және нашар көретін азаматтарға арналған арнайы кітапхана басшылары мен жас мамандарына арналған семинар—тренингі.
• Әмбебап ондық жіктеуге көшу. ҚР арнайы кітапханаларының автоматтандырылған ақпараттық жүйеге көшіруге бағдарламаларды енгізуді бейімдеу бойынша шеберлік сағаты.
• Қазақ латын әліпбиінің Брайль қаріпіне өтуі.

Шара барысында «Рухани жаңғыру және Ұлы даланың жеті қыры. Тарихи сабақтастық» тақырыбында дөңгелек үстел өтеді. Шараға әдебиеттанушы, филология ғылымдарының кандидаты Тоқтар Әлібек,   тарих ғылымдарының кандидаты Талдыбек Нұрпейіс, тарих ғылымдарының кандидаты, PhD докторы Рашид Оразов,   белгілі жыршы-термеші Жылбек Тоқтасынов және тағы басқа зиялы қауым өкілдері қатысады деп күтілуде.

Құрметті БАҚ өкілдері! Сіздерді, Жастар жылы аясында «ЗНКААРК» РММ-нің ұйымдастырып отырған  жастарды қолдауға бақытталған жас кітапханашылардың  I Слетіне ақпараттық қолдау көрсетуге шақырады!

Слет бағдарламасы қосымша жіберілді.

Өтетін күні мен уақыты: 2019 жылдың 26 қыркүйек күні  сағат  10.00 – 17.00 уақыт аралығында ҚР Ұлттық кітапханасы ғимаратында. Мекен-жайы: Алматы қаласы, Абай даңғылы, 14 үй.

27 қыркүйек күні  сағат  09.00 – 17.00 уақыт аралығында «ЗНКААРК» РММ ғимаратында. Мекен-жайы: Алматы қ., Бөгенбай батыр көш., 214 үй.

Қосымша ақпарат үшін:

8 701 732 99 96, 8(727) 293 70 80 Асхат Құсайынұлы Байұзақов

8 (727) 399-9079, 8 (727) 293-7017   Захра Ануарқызы Маханова