«Свияжск – остров любви» (Тұсаукесер)

Шілде айының 3-ші жұлдызында «Зағип және нашар көретін азаматтарға арналған республикалық кітапхана» РММ-де танымал сөз шебері, бірнеше публицистика және проза кітаптарының, поэтикалық жинақтардың, аудармалардың авторы, Ресей Журналистер одағының мүшесі, зағип ақын Роза Ахтямованың «Свияжск – остров любви» атты кітабының тұсаукесері өтті. Кештің мақсаты —  ақынның қаламынан шыққан кітапты кітапхана оқырмандарына таныстыру, ең бастысы  зағип жазушы Роза Ахтямованың өмірі мен шығармашылығына  үңілу, қысқа ғұмырда жүріп-өткен жолдары және жеткен жетістіктерін айту арқылы көпшілікке үлгі ету, сонымен бірге жаңа кітапты таныстыра отырып, қалың оқырмандардың рухани білімі мен біліктілігі, танымы мен тәрбиесінің артуына себепші болу. Шара барысында зағип ақын, жазушы, аудармашы Роза Ахтямованың өмірінен бір үзік сыр шертетін бейнесюжеттер көрсетіліп, оқырмандар назарына ұсынылды. Сонымен қатар ақынның шығармашылығына қатысты бірнеше сұрақтар қойылып, ақынның поэзиясы мен прозасына тереңінен үңілді.