«Мәдениет — мәңгілік, өнер — өміршең»

2019 жылдың мамыр айының 23-ші жұлдызында «Зағип және нашар көретін азаматтарға арналған республикалық кітапхана» РММ-де 21 мамыр – Қазақстандағы мәдениет және өнер қызметкерлерінің күні мерекесі қарсаңында «Мәдениет — мәңгілік, өнер — өміршең» атты әдеби-сазды кеш ұйымдастырылды.

Шараның ұйымдастырудағы мақсатымыз мәдени-тарихи құндылықтарды, патриотизмді, оқырмандардың жалпы мәдени дамуын қалыптастыруда, дамытуда және сақтауда осы сала өкілдерінің атқаратын маңызды рөлін атап өту.

21 мамырда Қазақстанның мәдениет және өнер өкілдері өздерінің кәсіби мерекесін атап өтеді. Қазақстанда мәдениет және өнер қызметкерлерінің күні 2013 жылдың қараша айында республика Президентінің Жарлығына сәйкес пайда болды. Бастапқыда бұл мереке 1998 жылы құрылды және қыркүйектің соңғы жексенбісінде атап өтілді. Бірақ 2013 жылы Президенттік Жарлыққа түзетулер мен толықтырулар енгізіліп мереке күні 21 мамырға ауыстырылды. Мәдениет және өнер өкілдерінің арқасында азаматтардың өздерінің рухани қажеттіліктерін жүзеге асыру мүмкіндіктері, сондай-ақ демалуға құқығы кеңейтіледі: адам мұражайға, сурет галереясына баруға, филармонияға баруға және музыканың тамаша дыбыстарын тыңдауға, концертте демалуға мүмкіндігі бар.

Кеш барысында кітапхана директоры Байузаков А.К. Мәдениет және өнер қызметкерлерінің күніне орай кітапхана қызметкерлерін құттықтап Қазақстан Республикасының Мәдениет және спорт министрлігінің «Мәдениет саласының үздігі» төсбелгісімен кітапхана ісін дамыту, библиография және тифлология бөлімінің кітапханашысы Макшпаева М.С. және кітап қорын сақтау және абонемент бөлімінің кітапханашысы Искакова К.М сонымен қатар «Құрмет грамотасымен» «Сөйлейтін» Брайль кітаптарын шығару бөлімінің кітапханашысы Айшуақова Қ.М., кітап қорын сақтау және абонемент бөлімінің кітапханашысы Полянный Е. және кітапхана атынан «Алғыс хат» Избасарова Д.Ж., Дарсалямова К., Рахимжанова Г.Т.,Чаграева Л. Ч., Мырзабеков А.К., Медьярова Ж.Р., Нукпаева А.Б., Сыздықов Б., Абдрахманова З. беріліп марапаттады.

Кешіміздің соңы қазақ зағиптар қоғамы мәдениет үйінің өнерпазы Жаханбаев Д. және өнер және спорт әдебиеттері бөлімінің қызметкерлері ән шашуын арнады.

Шараға 26 адам қатысты.