«Алматы-Новосібір: жемісті ынтымақтастық»

Ағымдағы жылы 11-12 сәуірде Новосібір қаласында, Новосібір облыстық зағип және нашар көретін азаматтарға арналған арнаулы кітапханасының ұйымдастыруымен «Заманауи кітапхана — әлеуметтік инженерия аумағы» атты Ассистивтік қызметтің IX Халықаралық мектебінің тәжірибелік-бағдарлау семинары өтті. Семинарға «ЗНКААРК» РММ тарапынан арнайы шақыртумен директор А. Байұзақов қатысты. Семинар барысында А. Құсайынұлы «ЗНКААРК» РММ-мен Новосібір облыстық зағип және нашар көретін азаматтарға арналған арнаулы кітапханасы арасындағы көпжылдық қарым-қатынас жайында «Алматы-Новосібір: жемісті ынтымақтастық» тақырыбында баяндама жасады. Сонымен қатар, 2017 жылғы екі кітапхананың арасындағы қол қойылған ынтымақтастық Меморандумы, өз нәтижесін беріп жатқанын тілге тиек етті. Семинар кітапхана қызметін белгілі өңірлердің инновациялық даму ресурсы ретінде өзекті етуге бағытталған түрде өтті. Тәжірибелік-бағдарлау семинар жұмысы барысында мүмкіндігі шектеулі жандар мен қоғамдағы ерекше әлеуметтік топтардағы тұлғалардың өзара түсіністігін жақсарту мақсатындағы ақпараттық және әлеуметтік-мәдени процестерді дамытуға бағытталған мәселелер қарастырылды. Бұл жұмыстың мақсаты – қоғамның «мәдени соқырлығын» еңсеру және әртүрлі шектеулері бар азаматтарға қатысты мінез-құлықтық стереотиптерін ескере отырып, өмір сүруге бейімдеу.
Семинарға Ресейлік, шетелдік әріптестер және Қазақстан Республикасынан «ЗНКААРК» РММ директоры А. Байұзақов, «Зағиптар мен көздері нашар көретіндер азаматтар үшін арнайы Семей кітапхана» ММ директоры Б. Райымханова, Павлодар облыстық «Көзі көрмейтін және нашар көретін азаматтарға арналған облыстық арнайы кітапханасы» КММ директоры Ж. Кенжебекова қатысты.

З. Маханова