Прислушайся к своей душе

Үстіміздегі   жылы  ақпан айының 22-ші  жұлдызында   Зағип  және  нашар көретін азаматтарға арналған  республикалық  кітапханада, «Незабудка» әдеби-музыкалық  бірлестігінің    кезекті  отырысында, зағип  ақын  Валентина Любинаның  шығармашылық кеші өтті.

 Валентина  Любина 14 ақпанда  1954  жылы Челябі облысында дүниеге  келген.   1963 жылы  Любиндер  отбасы  сол кездегі Қазақстанның  астанасы Алам-Ата   қаласына көшіп келген. 1979 жылы   Әл-Фараби  атындағы Қазақ  ұлттық университетінің  заң  факультетін  бітіріп, заңгер болып  қызмет еткен.  Валентина бала  кезінен  поэзияға   жаны  жақын   болған.  Валентина Любина 48 жасынан  өлең  жаза бастаған. Ақын шығармашылықпен  айналысқан   он алты  жылдың  ішінде   алты  өлеңдер  жинағы  жарық  көрген. Олар: «Родник  моей души», «Звёзды  вокруг меня», «Будем  как дети»,  «Разговор  по душам»,  «Духовные  размышления», «Алиса  в мире  рельном».

Кеш барысында  Валентина Любинаның  шығармашылығына  арналған    кітап  көрмесі  ұйымдастырылды.

Ақын  мерейтойлық  кеште  «Прозрение», «Молитва матери Терезы», «Очищение души», «Песнь красоты», «Интуиция, наш компас» т.б. өлеңдерін  келген  қауымға тарту  етті.

 Валентинаны шығармашылық  кешімен  құттықтауға  келген  достары   ақынның  сөзіне  жазылған  әндерді  орындап, жырдан  шашу  шашты. Атап айтсақ,  орыс  хоры «Соловьи  Алатау», Светлана  Токабаева,  Батима  Полищук  сынды  өнерпаздардың  орындауында    «Новый  год»,«К  тополю», «У Катюши  горе много»,  «Амурские  волны»  т. б.әндері  орындалды.

Кеш  соңында кітапхана  директоры  Байузаков Асхат Кусаинович,    ақынды мерейтой  аясында  өткізіліп  отырған  шығармашылық  кешімен құттықтап,  кітапхана  ұжымы атынан  алғыс хат  тапсырды.

Алия Рахимжанова,

жеке қызмет көрсету  бөлімі