«АШЫҚ ЕСІК КҮНДЕРІ»

2018 жылдың 16-18 қазан күндері сағат 10.00-16.00 аралығында  «Зағип және нашар көретін азаматтарға арналған республикалық  кітапхана» РММ және Қазақ соқырлар қоғамы Астана қаласының 20-жылдық мерекесіне орай  «Ашық есік күндері» шарасын ұйымдастырады. Ашық есік күндері аясында «Ақ таяқ» байқауы өткізіледі.

Шараның мақсаты: «Қазақстан Республикасының ескерткіштерінің тарихы және мәдениеті тактильді кітапта»; «Астана — халықтар бірлігінің Отаны»; «Біздің басылымдар»; сонымен қатар, DAISY, МР3 форматтағы аудио кітаптардан және тифлоқұралдардан жасақталған «Саусақ ұшындағы әлем» көрмелері арқылы Мәдени мұрамызды, Астана туралы республикадағы арнайы кітапханалардың үздік басылымдары мен кітапхананың нүктелі-бедерлі қаріптегі төл басылымдарын насихаттау.

Кітапхананың арнайы дыбыс жазу студиясы жұмысы барысымен, зағип және нашар көретін азаматтарға арналған  тифлотехникалар мен құралдарды  жұмыс барысында қолдану, зағип қызметкерлердің жұмыс орындарын көрсету мақсатында кітапхана бөлімдеріне экскурсия жасау арқылы шараға келген мемлекеттік мекеме басшыларын, «Нұр Отан» партиясының өкілдерін, «Алматы Альянс» студенттер корпоративтік қоры өкілдерін, қалалық кітапхана қауымдастығының мүшелерін, қоғам қайраткерлері мен зиялы қауым өкілдерін, ЖОО тәлімгерлерін, ҮЕҰ мүшелерін және оқушыларды кітапхананың жалпы тыныс-тіршілігімен таныстыру.

«Ашық есік күндері» аясында:

• 16-17 қазан сағ. 11.00-16.00 «Ақ таяқ» байқауы;
• 17 қазан сағ. 15:00-де «Әсеттің әсем әндері-ай!» атты композитор Әсет Бейсеуовтың шығармашылығына арналған әдеби-әуенді кеш;
• 16-18 қазан сағ. 10.00-16.00 Астана-Париж велошерушілері «Спорт без границ» командасы мүшелерімен кездесу ұйымдастырылып, велошеру жайында видеоролик көрсетіледі;
• 18 қазан сағ.10:00-12:00 «Армандастар» вокалды тобының қатысуымен қорытынды концерт.

Құрметті телеарна және БАҚ өкілдері! Сіздерді «Зағип және нашар көретін азаматтарға арналған республикалық кітапхана» РММ «Ашық есік күндері» атты ауқымды шараға шақырады.

Кітапхананың мекен-жайы:

Өтетін күні: 16-18 қазан, 2018 жыл.

Өтетін уақыты: 10:00-16:00.

Өткізілетін орны: Алматы қаласы, Бөгенбай батыр көшесі, 214 үй,  (Мұратбаев көшесінің қиылысы).

Анықтама үшін байланыс  телефоны: 293-70-17.