«Зағип және нашар көретін азаматтарға арналған республикалық кітапхана» республикалық мемлекеттік мекемесі Т. Жүргенов атындағы Өнер академиясының профессоры, Қазақ балетінің, Қазақстан мәдениетінің брэнді, тірі аңызы Болат Аюхановтың 80 жасқа толу мерейтойына арналған «Балет майталманы Болат Аюханов 80 жаста» атты өнер иесімен КЕЗДЕСУ КЕШІН ұйымдастырады.

2018 жылдың 27 қыркүйегінде сағат 11:00-де «Зағип және нашар көретін азаматтарға арналған республикалық кітапхана» РММ-де ҚР халық әртісі, «Құрмет белгісі», ҚазКСР Мемлекеттік сыйлығының лауреаты, Еңбек Қызыл Ту ордендерінің иегері, ҚР Мемлекеттік және «Платиналық Тарлан», «Алтын Адам», мәдениет және өнер саласының «International Socrates Prize»   атты Халықаралық Сократ сыйлықтарының лауреаты                                Болат Ғазизұлы Аюхановпен КЕЗДЕСУ КЕШІ өтеді.

Кеш мақсаты: 50 жылдық орындаушылық өтілі бар биші, кәсіби формасымен және шығармашылық ұзақ өмір сүрудің үлгісімен таң қалдырған Болат Ғазизұлының өмірін, шығармашылығын кітапхана оқырмандары мен қызметкерлеріне насихаттау. Болат Аюханов жетекшілік ететін «Алматының жас балетінің» Мемлекеттік академиялық классикалық би ансамбліне айналуын, ансамбль дүние жүзінде хореографиялық өнерді игеруі жөнінен әлемдік балет ұжымдарының ең үздігі саналатын алғашқы ондығына енгенін мәдени орта — кітапхана арқылы көпшілікке жеткізу.

Бүгінде, бүкіл республика шебердің даңқты мерейтойын атап өтуде.

Сондықтан да, «ЗНКААРК» РММ би шеберімен кездесу кешін өткізеді.

Шараға көрнекті талант иесі БОЛАТ АЮХАНОВ, мәдениет және өнер қайраткерлері, шығармашылық орта, мемлекеттік мекемелер мен қоғамдық ұйымдардың өкілдері қатысады.

Құрметті телеарна және БАҚ өкілдері! Сіздерді «Зағип және нашар көретін азаматтарға арналған республикалық кітапхана» РММ би өнерінің шебері — Б.АЮХАНОВПЕН КЕЗДЕСУ КЕШІНЕ шақырады.

Өткізу орны:

Алматы қаласы, Бөгенбай батыр к-сі, 214 (Мұратбаев көшесінің   қиылысы).

2-ші қабат, Жеке қызмет көрсету бөлімі

Анықтама үшін байланыс телефоны:

293 70 17 Маханова Захра Ануаровна (Баспасөз хатшысы)