Әнмен өрнектеген өмірін

Ағымдағы жылдың  қараша айының 1-де Зағип және нашар көретін азаматтарға арналған республикалық кітапханада  «Өнер өрімдері»   әдеби-мәдени клубының  аясында  Алатау ауданының «Тәуелсіздік шаттығы» атты ардагерлер ансамблінің  әншісі Айша Садырбаеваның «Әнмен өрнектеген өмірін» атты шығармашылық кеші өтті.

Кештің мақсаты: Жас ерекшелігіне қарамастан барлық азаматтарға рухани-мәдени тәрбие бағытында қолдау көрсетіп, шығармашылық ізденістерге себепкер болып,  ұлттық құндылықтарды дәріптеу.

Кеш қонақтары қазақтың белгілі ақындары, клубтың белді мүшелері  Болат  Шарахымбай,  публицист-жазушы   Талғат  Айтбайұлы,   күйші  Талап  Қараш,  Ғазизхан  Әдиілханов,  ақын  Зейнолла  Тілеужанұлы   сынды  зиялы  қауым  жиналып,  Айшаға    арнап жазған  өлеңдерін  оқып, жылы  лебіздерін  білдірді.

Кеште Айша Садырбаева өз репертуарынан қазақтың халық әндері «Назқоңыр», «Ахау керім», «Құмған алған» домбырамен орындап, көрермендердердің көңілінен шықты.  Кеш  барысныда   Айшаның  ұлы  Қуаныш пен  немересі  Жұлдызайда    өнерлерін  көрсетті.