Астана қаласының 20 жылдық мерейтойына орай, Зағип және нашар көретін азаматтарға арналған республикалық кітапхана бірінші рет Астана қаласында ғылыми-практикалық конференция ұйымдастырады

 Астана қаласының 20 жылдық мерейтойына орай, Зағип және нашар көретін азаматтарға арналған республикалық кітапхана бірінші рет Астана қаласында ғылыми-практикалық конференция ұйымдастырады

2018 жылдың маусым айының 28-ші жұлдызында Мәдениет және спорт министрлігінің қолдауымен Астана қаласы әкімдігінің «Орталықтандырылған кітапханалар жүйесі» КММ-де Астана қаласының 20 жылдық мерейтойына орай, Зағип және нашар көретін азаматтарға арналған республикалық кітапхананың ұйымдастыруымен «Зағип және нашар көретін азаматтарға арналған арнайы кітапханалардың қоғамның интеллектуалды дамуы мен рухани жаңғыруына қосқан үлесі» тақырыбында ғылыми-тәжірибелік конференция өтеді.

Аталған конференция аясында «Астана — халықтар бірлігінің Отаны» —  атты Астана туралы республикадағы арнайы кітапханалар арасында нүктелі-бедерлі қаріптегі ең үздік кітаптар байқауы өткізіледі. Сонымен қатар, «ЗНКААРК басылымдары» тақырыбында кітап көрмесі жасақталады.

Конференцияның мақсаты: Республика көлеміндегі барлық Зағип және нашар көретін азаматтарға арналған кітапханалардың қоғамның интеллектуалды дамуы мен рухани жаңғыруына қосқан үлестері жайында тәжірибе алмасып, кітапханалардың Астана қаласының 20 жылдық мерей тойының тарихта тереңірек орын алуына себін тигізер нүктелі-бедерлі қаріптегі кітаптар байқауын өткізу. Конференция барысында қазақ әліпбиінің біртіндеп латын графикасына өтуі жайында пікір алмасу және Зағип және нашар көретін азаматтарға арналған республикалық кітапхананың нүктелі-бедерлі қаріптегі төл басылымдарынан жасақталған көрмені көпшілік назарына ұсыну.

Құрметті телеарна және БАҚ өкілдері! Сіздерді «Зағип және нашар көретін азаматтарға арналған республикалық кітапхана» РММ мен Астана қаласы әкімдігінің «Орталықтандырылған кітапханалар жүйесі» КММ-сі жоғарыда аталған конференцияға шақырады.  

Өтетін күні: 28 маусым, 2018 жыл.

Басталу уақыты: 10:00.

Өткізілетін орны: Астана қаласы әкімдігінің «Орталықтандырылған

                               кітапханалар жүйесі».

Өтетін мекен-жайы: Шәкәрім Құдайбердіұлы даңғылы 25/3.

Анықтама үшін байланыс  телефоны: 99-51-52, 41-94-16.