Қазақстанның бірнеше дүркін чемпионы Бақ Қуанышбайұлы Иманәлиевты еске алу дойбы турнирі

Кітапханада ағымдағы жылдың 23-28 қазан аралығына жоспарланған тұңғыш КСРО дойбы шебері, Қазақстанның бірнеше дүркін чемпионы Бақ Қуанышбайұлы Иманәлиевты еске алу дойбы турнирі аяқталды.

Бақ Қуанышбайұлы Иманәлиев — қазақтан шыққан тұңғыш КСРО дойбы шебері, КСРО-ң зағиптар арасынан екі рет, Қазақстанның бірнеше дүркін чемпионы. Ол зағиптар арасынан спорт шебері атағын алған әлемдегі санаулы дойбышылардың бірі, бірнеше халықаралық ірі турнирлердің жеңімпазы.

Бұл, еске алу турнирі, Бақ Қуанышбайұлы өмірден озған 2008 жылдан бері, биыл 10-шы рет өткізілуді.  Турнирді Алматы қаласы дойбы Федерациясы республикалық филиалы мен Алматы қаласы дойбы Федерациясы бірлесіп, ұйымдастырды.

Астана қаласының Жігер спорт клубының дойбы және шахматтан жаттықтырушысы Дәурембеков Сағымбай Болысбекұлы турнирдің бас төрешісі, Алматы қаласы дойбы Федерациясы республикалық филиалының төрайымы Маханова Захра Ануарқызы бас хатшысы болды.

Турнир Қазақ соқырлар қоғамының Орталық Басқармасының, Қазақ соқырлар қоғамының Алматы қалалық филиалы қоғамдық бірлестігінің, Бақ Иманалиевтың туыстарының демеушілігімен және Алматы қаласы дене шынықтыру және спорт басқармасының қолдауымен өтті.

Турнирге  Республика бойынша Алматы облысы, Алматы, Семей, Астана, Атырау қалаларынан 8-спорт шебері, 5-спорт шеберлігіне үміткер және түрлі дәрежедегі, жалпы саны 27 дойбышы қатысты. Әйелдер арасында шеңбер жүйесі, ерлер арасында швейцар жүйесі бойынша орыс дойбысы ойналды.  Жарыс өте тартысты өтті. Дойбышылар өздерінің үздік спорттық дайындықтарын көрсетіп, жеңіс тұғырына көтерілу жолында бақтарын сынады. Жарыс соңы марапатқа жалғасты.

Ерлер арасында:

I орын – Белокрылов Николай (Алматы);

II орын – Соколков Юрий (Семей);

III орын – Медьяров Рамазан (Алматы).

Әйелдер арасында:

I орын – Терехова Зинаида (Алматы);

II орын – Бейсембаева Сауле (Семей);

III орын – Токубаева Майра (Астана) егеленіп, Алматы қаласы дене шынықтыру және спорт басқармасының тағайындаған медальдары мен грамоталарын алса, демеушілердің атынан I орын – 20 000 тг, II орын – 12 000 тг, III орын – 8 000 тг еншіледі.

З. Маханова