«Қарттар күні мерекесі»

«Қарттар күні мерекесі»

   Қазан айының 1-ші жұлдызында Зағип және нашар көретін азаматтарға арналған республикалық кітапханада «Бүкіләлемдік қарттар күні»  мерекесіне орай арнайы шара өтті.

   Іс-шараның мақсаты: Елбасы Н.Ә. Назарбаевтың «Ұлт жоспары-100 қадам баршаға арналған қазіргі заманғы мемлекет» бес институттық реформасын жүзеге асыруға бағытталған 100 нақты қадамның «Біртектілік пен бірлік» атты 4-ші бағытының 87-ші қадамы «Менің елім» кең көлемді жобасы аясында өтті.

   1990 жылы желтоқсан айының он төртінші жұлдызында Біріккен Ұлттар Ұйымының Бас Ассамблеясы 1 қазанды «Халықаралық қарттар күні» деп жариялаған. Үлкенді сыйлау, оларға құрмет көрсету – ата-бабадан келе жатқан салтымыз. Осыған орай, кітапханада көп жылдар жұмыс істеп зейнеткерлікке шыққан және жұмысын жалғастырып жүрген ардагерлерді арнайы шақырып «Қарттар күні мерекесін»  атап өтті.

   Жүргізушілер өлең жолдарымен ардагерлердің елеулі еңбек жолдарын, еліміздің өркендеуіне қосқан үлестерін, жастарға үлгі-өнеге болып, жақсы тәрбие бергендерін атап айтты.

Ұрпағына жол ашқан, мұқалмаған қаншама қиындықтан,

Жасымаған қарттарым, өмірінің сан-сала сырын ұққан.

Табиғаты керемет, таудай мүсін байсалды қариялар,

Шежірелі жүрегі, баталы ауыз жаралған жылылықтан.

Не дано сейчас предугадать,

Кто какой по жизни путь проложит,

Только мудрость может подсказать

И ошибки впредь подправить может.

   Сөз арасында бейнекөріністердегі  «Ауыл қарттары», «Мои года», «Қарттарым», «Я люблю тебя жизнь!», «Атамекен» әндері шырқалды. Мерекелік шарада кітапхана директоры А.Байұзақов келген ардагерлерді құттықтап, бүгінгі шараның маңыздылығына тоқталды, құттықтау хаттарды табыстады. Ресми бөлім «Қазақтай ел қайда!» әнімен аяқталды.

   Айтулы мереке концертке ұласты. Ән-шашумен құттықтауға келген «Еркеле» қоғамдық қорына кезек берілді. Ырыскелдиева Зарина өте әсерлі Мұқағали Мақатаевтың «Мен қарапайым қарттарды сүйемін» өлеңін оқыды. Сахна төрінде ғажап сезімге толы керемет әндер шырқалды. Ал Ботаева Әйгерім «Ана», Жолдыбекова Айжан «Қарлығаш» әндерін орындап, келген қонақтарға өмірге деген сүйіспеншілік сезімді және мерекелік көтеріңкі көңіл сыйлап, ерекше әсерге бөледі. Концерт әсерлі және тартымды өтті.

   Кітапхана қызметкерлері ардагерлерге арнаулы дастархан жайып құрметтеді. Бастары қосылған қарттар бірінен соң бірі түрлі естеліктерін айтып, ұжымға ризалықтарын білдіріп, табыстар тіледі.

   Кітапхана директоры А.Байұзақов ардагерлерге мекеменің алдағы жоспарларын айтты. Жуықта Малайзияда өткен кітапханашылардың халықаралық форумына қатысқанын, жұмыста жаңалықтар кіргізетінін хабарлады. Қонақтар көтеріңкі көңілде үйлеріне қайтты.

Шараға 62 оқырман қатысты.