«Ел жүрегі — Астана»

        ҚР Мәдениет және спорт министрлігінің баспасөз орталығында 2018 жылдың 15-16 маусымында «Ел жүрегі — Астана» атты ҚР Астанасы – Елорданың 20 жылдығын өткізу іс-шараларына қатысты ҚР Мәдениет және спорт министрлігіне бағынысты мекемелер баспасөз хатшыларының қатысуымен кеңес өтті. ҚР Мәдениет және спорт министрлігінің баспасөз қызметінің жетекшісі Айдар Қырықбайұлы министрлікке бағынысты 82 бағынысты мекеме барын, оның 53-інде ғана баспасөз хатшылары бары жайында хабардар етті. Кеңес барысында Баспасөз хатшыларының жұмысына бағыт-бағдар беріліп, мекеме сайты, Facebook, Instagram, ВКонтакте желілеріне мекеме ақпараттарын орналастыру тәртібі бойынша мәліметтер берілді. Әлеуметтік желілерді үздік жүргізген мекемелердің Баспасөз хатшыларына Мәдениет және спорт министрі Арыстанбек Мұхамедиұлының атынан Алғыс хаттар табысталды.